Vai a sottomenu e altri contenuti

Emergenza COVID-19 Fake News

Data pubblicazione on line: 12/06/2020

Nei periodi di emergenza come quello attualmente in corso, bufale e disinformazione sono presenti in modo massiccio, soprattutto sul web e sui social network, e riconoscerle non sempre è facile.

Per evitare di imbattersi in notizie false e pericolose per la salute si raccomanda quindi di fare sempre riferimento a fonti istituzionali ufficiali e certificate.

Di seguito l'elenco delle fake news più frequenti tratte dal link del Ministero della Salute


Elenco Fake News dal sito del Ministero della Salute


Unas cantas notìtzias farsas bortadas in limba sarda dae su situ de su Ministeru de sa Salude

2. Pro evitare su contàgiu est mègius a si segare sa barba

S'errore naschet dae un'interpretatzione isballiada de un'informatzione dedicada a sa seguresa in su traballu pro s'impreu giustu de sas mascarinas.

4. Si ses contagiadu dae su coronavirus nou, ti nde abbìgias semper

A bortas sa maladia Covid-19 podet dare sìntomos chi assimìgiant a cussos de àteras maladias respiratòrias comente s'influèntzia e su romadiu, cun tùssiu sicu, callentura, istrachesa; àteras bortas sos sìntomos sunt diferentes, cagaredda, iperemia congiuntivale, dolore de gùturu, dolores musculares, mucu in su nasu, fintzas a arribare a dificultades respiratòrias e purmonites. De sòlitu, a s'incomintzu custos sìntomos sunt lèbios, duncas, podet èssere chi unu non si nd'abbiget.

5. Sos pitzinnos non podent èssere contagiados dae su coronavirus nou

Sos pitzinnos non sunt immunes dae s'infetzione de su coronavirus nou. Fintzas issos podent èssere infetados e isvilupare sa maladia Covid-19, mancari siant pagos sos casos chi si connoschent de pipios contagiados.

6. Sos animales de domo podent trasmìtere su coronavirus nou

Non b'at tzertesa iscientìfica chi a sos animales de domo, comente canes e gatos, potzat atacare su coronavirus nou e chi ddu potzant atacare a sos òmines. Comente règula generale de igiene si cussìgiat de si sabunare bene sas manos cun su sabone a pustis de àere tocadu sos animales, fintzas pro s'amparare dae àteras infetziones chi dae sos animales podent passare a s'òmine.

8. Cando si torrat a domo tocat semper a si sabunare sa conca e sos bestires postos pro essire

Respetende su de abarrare a su nessi a unu metru s'unu dae s'àteru, mègius si duos metros, est pagu possìbile chi sos bestires, o fintzas nois, siant istados infetados dae virus in una cantidade chi siat de importu. Semper e cando, in su rispetu de sas normas igiènica bonas, cando si torrat a domo est bene a non pònnere, pro nàrrere sa giacheta o su capoto in pitzu de su divanu, de sa mesa o de su letu.

9. De seguru cun sa sola de sas iscarpas si giughet su virus in domo e si trasmitit s'infetzione

Non si connoschet cantu su virus duret biu in logos abertos ma fintzas ponende in contu chi sas iscarpas si siant infetadas caminende e bi siat su virus in sa sola, su panimentu de domo no est unu giassu chi tocamus cun sas manos, duncas, s'arriscu est de pagu contu. Si in domo bi sunt pitzinnos si podet èssere prudentes, boghende·si·nche sas iscarpas in s'intrada de domo e pulende su panimentu cun produtos chi tèngiant cloro a s'0.1% (varechina diluida).

10. Su pane friscu o sas birduras cruas podent èssere impestadas dae su coronavirus nou e de seguru trasmitint s'infetzione a chie ddos papat

Non tenimus informatziones chi su coronavirus nou abarret in pitzu de sa cosa de papare, ma paret pagu possìbile chi su virus si trasmitat cun sos alimentos. Su virus si trasmitit cun su cuntatu e cun sas secretziones dae sa buca e dae su nasu. Tzertu, chie tocat su pane, e sos àteros alimentos, depet rispetare sas règulas igiènicu sanitàrias, comente a si sabunare bene meda sas manos cun abba e sabone pro a su nessi 40-60 segundos in antis de tocare sa cosa de papare e usare sa mascaredda.

13. Papare àgiu pro no atacare s'infetzione podet amparare dae s'infetzione de su coronavirus nou

S'àgiu tenet propiedades antimicròbicas ma non bi sunt rispostas iscientìficas chi tèngiat atzione preventiva pro s'infetzione de su coronavirus nou.

14. Bufare abba meda sàbunat su virus dae s'aparadu respiratòriu e dd'ispinghet in s'istògomo in ue morit in s'àtzidu

S'abba non sàbunat su virus e non serbit pro evitare su contàgiu.

15. Bufare abba o àtera cosa callente ochit su virus

44. Su vatzinu pro s'influèntzia agiudat su contàgiu de su coronavirus nou, duncas est mègius a non si vatzinare pro s'influèntzia

Non tenimus provas chi su vatzinu pro s'influèntzia agiudet su contàgiu de su coronavirus nou. Sunt duos virus diferentes. A fàghere su vatzinu pro s'influèntzia èvitat de leare su virus de s'influèntzia istagionale e duncas tenet duos vantàgios: agiudat a distìnghere sas duas maladias (influèntzia e COVID-19) e amparat sas persones dae su perìgulu de leare formas malas de influèntzia.

45. Su yoga megiorat sa respiratzione e duncas non faghet ismalaidare de Covid-19

Non tenimus sas provas chi amparet dae s'infetzione de su coronavirus nou.

46. Cun su sudore de s'atividade fìsica s'elìminat fintzas su virus

Como non tenimus provas iscientìficas chi su virus si nch'andet suorende, ma s'atividade fìsica tenet efetos benèficos pro sa salude generale de sa persone. Pro custa resone su consìgiu est de dda praticare fintzas in domo cando non si podet essire.

47. Su mele tenet un'atzione antibatèrica e disinfetante duncas si unu papat una cullera de mele ogni die s'amparat dae su coronavirus

Su mele est un'alimentu chi tenet propiedades nutritivas e antibatèricas bonas meda, ma non tenimus sa prova chi siat eficatze pro sos virus e su coronavirus nou.

48. Bufare alcol afòrtigat su sistema immunitàriu e amparat dae su virus

Bufare alcol no amparat dae su Covid-19 e non impedit de s'infetare de su coronavirus nou; a s'imbesse, s'arriscu de infetzione est de prus ca s'alcol indebìlitat su sistema immunitàriu e duncas reduit sa capatzidade de s'organismu de fàghere fronte a sas maladias infetivas.

49. Ponende vaselina a inghìriu de sas nares s'atzapat su virus chi gasi no intrat in su nasu

Non bi sunt sas provas chi su virus abarret in sa vaselina. Pro evitare su contàgiu tocat a rispetare sas distàntzias de seguresa e a non si tocare ogros, nasu e buca cun sas manos non sabunadas o disinfetadas.

50. Papende carboidratos comente pane e pasta creschet s'arriscu de leare s'infetzione

Pro como non tenimus provas iscientìficas chi papende carboidratos bi potzat èssere un'arriscu prus mannu pro s'infetzione de CoVid 19. Un'alimentatzione bilantziada e vària cun su tantu giustu de totu sas sustàntzias netzessàrias pro chi s'organismu funtzionet bene est de importu mannu pro ognunu e pro sa preventzione de maladias meda.

51. Respirare àera callente de s'asciugacapelli elìminat su virus dae su gùturu ca cun su calore morit

Respirare àera callente de s'asciugacapelli non serbit pro nde leare s'infetzione. S'àera chi nd'essit non podet èssere tantu callente de renèssere a ochire su virus. S'arriscu est de si brusiare e/o fàghere dannu a sas mucosas.

53. Intrare a modde in sas piscinas e in sas bartza de idromassàgiu ponet in s'arriscu de leare s'infetzione de su coronavirus nou

Como non tenimus provas chi su coronavirus nou s'atachet a s'òmine si usant piscinas o bartzas de idromassàgiu. Semper e cando est mègius de s'assegurare chi funtzionent bene, chi siant fatas bene sa manutentzione e sa disinfetzione (pro nàrrere cun cloro e bromo). Sigomente su virus si trasmitit cun sos gùtios piticherrerreddeddos de sa respiratzione est semper mègius abarrare a su nessi unu metru s'unu dae s'àteru.

54. A chie fumat dae tempus meda non serbit chi ismitat tantu s'arriscu de m'ismalaidare de Covid-19 no est de prus de chie non fumat

Ismìtere de fumare est de importu ca sa salude nde tenet profetu luego, sos benefìtzios sunt medas e sighint in su tempus. Sos istùdios mustrant ca sos chi fumant tenent tres bortas tantu s'arriscu de isvilupare sa purmonite mala de Covid-19 in cunfrontu a sos chi non fumant.

56. Su coronavirus no atacat a sos pipios duncas si unu pitzinnu tenet unu pagu de callentura non si depimus pistighingiare e non depimus tzirriare a su dotore

Fintzas a oe, cunsiderende totu sa populatzione, sos pipios chi ant tentu s'infetzione de su coronavirus nou non sunt medas, ma sos pitzinnos non sunt immunes dae s'infetzione. Duncas in casu de callentura, rinite, tùssiu, dolore de gùturu, dificultade a respirare, sa cosa giusta est de faeddare cun su pediatra.

57. Bufare late amparat dae su coronavirus nou

Pro como non tenimus sa prova iscientìfica chi su late amparet o curet s'infetzione dae su coronavirus nou.

58. Su coronavirus nou si curat cun abba e bicarbonadu

Pro como non tenimus provas chi su bicarbonadu iscagiadu in abba tèngiat un'atzione de cura o amparu pro su coronavirus nou.

59. Papare piberoneddu amparat dae su coronavirus nou

Pro como non tenimus sa prova iscientìfica chi papare o pònnere piberoneddu in su màndigu amparet dae sa Covid-19 o dda curet. Sa cosa mègius pro evitare de si infetare cun su coronavirus nou est de abarrare a su nessi 1 metru s'unu dae s'àteru e e de si sabunare bortas meda e bene meda sas manos cun abba e sabone o cun disinfetantes a base alcòlica.

60. Sa musca podet difùndere s'infetzione dae coronavirus

Pro como non tenimus provas iscientìficas pro nàrrere ca sa musca potzat difùndere su coronavirus nou. Su virus si difundet su prus cun sos gùtios piticherrerreddeddos chi essint cando unu faeddat, tussit o istùrridat (droplets). Unu si podet infetare fintzas tochende·si cun sas manos, non sabunadas, sa buca, su nasu o sos ogros a pustis de àere tocadu cosas e superfìtzies impestadas Pro si amparare dae s'infetzione si racumandat de disinfetare bortas meda sas superfìtzies tocadas, de si sabunare bortas meda sas manos e de abarrare a su nessi a 1 metru s'unu dae s'àteru.

61. Sas manos e sa pedde si podent disinfetare cun sos rajos UV

Sas làmpadas a rajos ultravioletos (UV) non si depent impreare pro disinfetare sas manos o sa pedde. Sas radiatziones UV podent causare irritatzione a sa pedde e dannu a sos ogros. Sa cosa prus segura pro nche leare su virus est de si sabunare sas manos cun una solutzione a base alcòlica (igienizante pro sas manos) o a si ddas sabunare cun abba e sabone.

62. Sos ògios essentziales de sas matas aromàticas comente afràbica, romasinu, orìganu, amparant dae su coronavirus nou

Pro como non tenimus sa prova chi sas matas aromàticas, ne sos ògios essentziales issoro, siant de amparu pro s'infetzione de su coronavirus nou.

63. S'errìghina podet atacare su coronavirus

Su virus responsàbile de sa COVID-19 est unu virus respiratòriu e si trasmitit dae s'unu a s'àteru, dae una persone a s'àtera, prus che totu cun sos gùtios piticherrerreddeddos chi essint cun sos istùrridos e su tùssiu o tochende·si cun sas manos sa buca, su nasu o sos ogros a pustis de àere tocadu cosas e superfìtzies cuntaminadas. Pro como non tenimus sa prova iscientìfica chi bobbois comente s'errìghina, sa tzìntzula e àteros, chi podent atacare àteros virus, potzant atacare sa COVID-19.

64. S'ozono isterilizat s'àera e sos ambientes e non faghet infetare dae su coronavirus nou

Pro como non tenimus sa prova chi s'ozono isterilizet dae su coronavirus nou e chi amparet dae leare s'infetzione.

65. Si si pulint sos panimentos e sas superfìtzies cun su vapore s'isterilizant dae su coronavirus nou e s'amparant sas persones dae s'infetzione

Pro como non tenimus sa prova chi su vapore potzat isterilizare dae su coronavirus. Sa cosa mègius de fàghere pro pulire sa domo e sos ambientes in ue abarramus est de pulire sos panimentos e sas superfìtzies in antis cun abba e sabone o àteros detersivos pro nche leare sa brutesa e a pustis si disinfetant cun una solutzione de cloro ativu a su 0,1%. Pro pulire sos gabinetos e sas superfìtzies chi si tocant de prus, comente sas manìllias de sas ghennas e de sas ventanas, telefoneddos, tastiera de su computer e àteru, su cloro ativu depet èssere su 0,5%. Pro disinfetare superfìtzies chi si podent guastare cun s'ipocloritu de sòdiu, a pustis de àere pulidu cun unu detergente nèutru, si podet impreare unu disinfetante a base de alcol. Cando si pulint sas superfìtzies bisòngiat de cambiare s'àera de sos ambientes.


Su virus resistit e si riproduit a sa matessi temperadura de su corpus chi est prus o mancu de 37°.

A chi rivolgersi

A chi rivolgersi - Referente
Ufficio/Organo: Sindaco
Referente: Ilaria Sedda
Indirizzo: Via Taloro 3
Telefono: 078369044  
Fax: 078369407  
Email: sindaco@comune.bidoni.or.it
Email certificataa: protocollo@pec.comune.bidoni.or.it
Scheda ufficio: Vai all'ufficio
torna all'inizio del contenuto
torna all'inizio del contenuto