Al seguente link è possibile trovare utili indicazioni per l'attività fisica dei più piccoli da 0 a 11 anni.

https://www.epicentro.iss.it/coronavirus/sars-cov-2-stili-vita-attivita-fisica-0-11-anni

Covid-19, pipios: comente fàghere atividade fìsica in domo gioghende (inditos dae su situ ufitziale de s'ISS)

Su 20 de martzu 2020 s'Istitutu Superiore de sa Sanidade (ISS) at iscritu in su situ istitutzionale suo ca est online in Epicentro una setzione noa dedicada a sos istiles de vida cun sos cussìgios pro bìvere mègius in custu tempus de emergèntzia. S'Istitutu ispiegat ca est de importu chi - in custas dies chi depent abarrare in domo - sos pitzinnos potzant fàghere atividade fìsica gioghende. Cun sos prus piticos, fintzas a 6 meses, si podent fàghere giogos a in antis de s'ispigru, cando ischint giai caminare podent giogare a fàghere percursos cun ostàculos e dificultades o a si mòvere comente si movent animales diferentes.

Bi sunt atividades chi andant bene pro ogni edade:

• ballu, brincos, cucurumbeddos agiudant a coordinare mègius sos movimentos,

• sa mùsica favoresset su movimentu in armonia,

• disegnare e modellare cun materiales diferentes (fintzas impastu de farina) agiudant sa creatividade, su movimentu e sos sensos,

• sa letura fata paris a boghe arta e a pustis a manera autònoma agiuda s'isvilupu de su limbàgiu, s'aprendimentu e sos cuncàmbios.

Sos babbos e sas mama ite podent fàghere pro favoressere s'atividade fìsica de sos pipios?
Si sos genitores sunt ativos, sunt ativos fintzas sos fìgios; est de importu s'esempru
Seberare atividades giustas pro s'edade e s'isvilupu de su pipiu
Cuncordare giassos in ue siat seguru giogare
No est bene chi pipios de prus pagu de 4 annos gioghent cun tablet, telefoneddos o abbàident meda sa televisione. Sos pipios prus mannos e sos pitzocheddos est mègius chi ddos impreent in tzertas oras de sa die ebbia e a su prus pro 2 oras a sa die; in prus ddu est su tempus chi serbit pro s'atividade didàtica.

a cura de s'uffitziu de sa limba sarda (mm)